Skip to main content

Diaries

गान्तोक रोजनाम्चा : 2/07/19

हिजोआज गान्तोकमा कति बेला पानी पर्छ अन्दाज लाउन कठिन पर्छ यसैले बजार जाँदा छाता बोकेरै जान्छु । आज पनि छाता बोकेर निस्केको थिएँ । एउटा ट्याक्सीमा चढेँ। पछिल्लो सिटमा दुई जना थिए यसैले अघिल्लो सिटमा बसेँ। म चढने बित्तिकै ती दुइले छाता विषय कुरा गर्न थाले( सायद मेरो छाता बोकाइले प्रेरित गरायो त्यो गफ लगाउन। अथवा यसो पनि हुनसक्छ कस्तो दिमाग खुस्केको मान्छे घाम लागेको बेला छाता बोकेर हिडछ!!! यस्तै सम्झे होलान्  । )एकले भने म कहिले छाता बोक्दिनँ। छाता जाबो के बोक्नु पानी परे किने भइहाल्यो नि। अर्कोले भने मैले कम्ता छाता हराइसकिनँ। बिर्सिहाल्छु जहाँ पनि। अस्ति नयाँ छाता हराइपठाएँ एकैपटक मात्र ओडेको थिएँ । यतिकैमा ट्याक्सी टिबेटेन स्कुल छेउ आइपुह्यो। त्यो अलि दब्ने ठाउँ छ। यो वर्षाको पानीले फेरि बाटो केही दबिएकोछ। ती दुईको फेरि बाटो विषय कुरा हुन थाल्यो छाताको गफ टुङ्ग्याएर। एकले भने अब त ट्याक्सी जस्तो हावा जहाज बनिएछ। मैले अस्ति पढेको । दाम चाहिँ महगों रहेछ 95 लाख अरे। त्यस्तो हावाजहाज जस्तो ट्याक्सी भए यस्तो बाटो को फिक्री भएन सुइअ उडेर गइहाल्यो। ड्राइभर अघि सम्म चुपचाप थियो अहिले बोले। त्यस्तो भयो भने त हामीलाई साह्रो पर्छ हाम्रो काम खोसिन्छ।  अर्कोले थपे 95 लाख त धेरै हो तर पैसा हुनेले किन्छ । यहाँ कति मान्छेको पैसा छाप्ने कारखाना भाको जस्तै पैसा छ।

यी कुराहरु उरण्ठ्याउलो अपत्यारिलो लागे तापनि सिक्किममा यसप्रकारका अतियथार्थ (Surrealistic) कुराहरू धेरै सुन्न पाइन्छ ।
 सिक्किममा अवकाश भएका धेरै मित्रहरू अनायस गायब हुन्छन्। सधैं भेटिरहने परिचित मुहारहरू फेरि वर्षौँ देखिदैन । आज एक त्यस्तै हराएको मित्र भेटियो। भेटिए के भन्नू उसैले चिनेर मलाई बोलाए । मेरो श्रवण क्षमता केही कमजोर छ र प्रथमतः मैले राम्ररी सुनिनँ। उसले दोहोर्‍याएर बोलाए पछि सुनेँ। तर यो मुहार मलाई एकदम अपरिचित लाग्यो। श्याम आकृतिमा श्वेत दन्तहार ठूला ठूला आँखा दुब्लो शरीर अग्लो देखिएको घुरमैलो स्वच्छ नदेखिने वस्त्र पहिरन निकै कमजोर देखिदै थियोे । उनले फेरि भने मलाई चिन्नु भएन म फलना भने। अनि मैले ठिम्याए। कति विशाल परिवर्तन चिन्नै नसकिने । मैले उसलाई अवकाश पूर्वको समय देख्दा उनी एक  आकर्षक व्यक्तित्व भएको गम्भीररूपमा रहेको स्मृति छाप मेरोमा रहेको थियो । यो वर्तमान रुप मेरो निम्ति अपत्यारिलो कुनै ठूलो आपत्तिमा परेको जस्तो थियो । उनले मलाई मेरो स्वास्थ्य बारे सोध्दै भन्न लागे धाराप्रवाह - दाज्यु तपाईं आफ्नो स्वास्थ्य ठीक राख्नोस। रिटायर भएपछि मान्छे रोगी हुन्छ यसैले मोबाइल रहनुहोस हिडडुल गरिरहनोस। एकै ठाउँ बेसी नबस्नोस।
( मलाई भन्न त मन भयो म प्रत्येक बिहान 4.30 बजे उठछु र 6 किलोमिटर जति नियमित रुपमा द्रुत हिडाइ गर्दछु । तर भन्न मन लागेन उसको स्वास्थ्यको यो स्खलित अवस्था देख्दा।)
मैले सोधेँ तपाईलाई के भयो र तपाईंको यो रुप भयो। उनले भने ए ~~~दाज्यु के के भयो भयो। मलाई टि बी भयो। फेरि टि बी बिग्रेर एमडिआर भयो। धेरै अस्पताल बसियो तर अब ठीक छु स्वास्थ छु। ल दाज्यु टेक केयर नो टेन्सन अनलि पेनसन 😃😃😃😃
यति हाँसिराखेर उनले बिदा लिए।

 

Comments

Post a Comment

Popular posts from this blog

अगमसिहं गिरी (युद्ध र योद्धा ) आलोचना

             युद्ध र योद्धा : एक पठन                          पेम्पा तामङ      अगमसिहं गिरी भारतीय नेपाली साहित्यमा सर्वाधिक चर्चामा रहेको कवि हो। उनलाई मूलतः स्वछन्दतावादी कवि र जातीय कवि भनेर आलोचकहरूले चिनाएका छन भने कही कही अस्तित्ववादी भनी परिचय दिएको छ। उनका प्रारम्भिक कविताहरू भावनात्मक र करुणामय थिए यसैले उनलाई दुखवादी पनि भनिएको  हो। गिरीका कविताहरू आम चलनको भाषामा लेखिएका र प्रतीक र बिम्वको जडान थोरै रहेका छन। सरल , सहज र बोधगम्य रहेको हुनाले आम पाठकबीच लोकप्रियता बडी रहेको थियो। जीवन , मृत्यु , दुख , बिरह उनका कविताको भावलहरी रहेको छ। कल्पनाको निर्बाध उडान र जीवन परान्मुख रहेको मानिन्छ। जीवनलाई यसरी हेर्ने दृष्टि छायावाद र स्वछन्दतावा भनेर चिनिन्छ। हुनत छायावाद र स्वछन्दतावाद यी बाहेक अन्य पनि हुन। स्वच्छन्दतावादको प्रवर्तक विलियम वर्डस्वर्थको लेखन सिद्धान्त कविताको भाषा आम मानिसको बोलीको शैलीमा हु...
Post a Comment
Read more

Circle of Karma -Bhutanese novel review

Circle of Karma   Authored by Kunzang Choden, a native of a small village in Bumthang District in  north-central Bhutan, Circle of Karma is the first English novel to emerge from the land of the druk (Bhutan),   the mythical dragon. Published in 2005, the novel instantly courted fame far and wide, and has since been translated into several languages. The novel had been short listed for the prestigious Elle Prix des Lectrices too. Choden was born in the year of the druk , or the year of the dragon, corresponding to 1952 in the Gregorian calendar. Since Choden was born into a prosperous family, her parents sent her to a convent school in Kalimpong when she was nine years of age. Choden recounts the initial difficulty she encountered in the school because, as is prevalent in Bhutan, she did not have a surname attached to her first name. Moreover her father’s name was Kunzang Dorje and the Reverend Mother of her school refused to believe that the father an...
Post a Comment
Read more

Poetry of Puja Upadhyay

             दुई शब्द भूमिकाको                           पेम्पा तामङ      नेपाली साहित्यमा सर्वाधिक लोकप्रिय विधा कविता हो र सर्वाधिक रचना यसैमा देखिन्छ। कविता एक यस्तो विधा पनि हो  जसले कवि अनि रसिक दुवैलाई आकर्षित गराउँछ। कविलाई अनिवर्चनीय आनन्द बोध गराउँदछ कविता सृजनामा। यसैले पनि कवि शब्द सुधाको धारा बहाउन चञ्चल रहन्छ। हुनत कविता व्यक्ति र समाजमा जोडिने एक सेतु पनि हो। नेपाली कविताको पहिलो कविता मानिने सुवानन्ददासको लेखनलाई हेर्नु हो भने कविता एउटा त्यस्तो सशक्त माध्यम हो जसको सहाराले एक निरीह व्यक्ति सर्वशक्तिमानसित  संवादमा रहनुसक्दछ।   कुनै पनि कविताले व्यक्तिलाई एकदेखि अनेकमा पुर्याउने क्षमता राखेको हुन्छ। कविता एक परम्परा निर्वाह हो। कुनै पनि कवि अनेकौं पुस्ताको प्रतिविम्ब हुन्छ , चाहे त्यो रूपमा होस , विचार वा दर्शनमा होस या फेरि फगत भाषिक परम्परामा। तर कुनै कविताले परिचय त्य...
Post a Comment
Read more