Skip to main content

कोरोना ब्लुज (कथा)

कोरोना ब्लुज

केही दिन अघिको कुरा हो मेरो मोबाइलमा कल आयो । उठाएर हेरे, सेभ्ड नम्बर रहेछ, नाम सहित । मैले शिष्टता निभाउँदै "हल्लो! कसो हुनुहुन्छ ? " भने।
उताबाट गह्रौं भारीले थिचेको जस्तो आवाजमा खरो जवाब आयो " के छ? कोरोनाले लडायो कि क्या हौ तिमीलाई ?"
यो व्यक्ति मेरो व्यक्तिगत परिचयभित्र पर्ने मित्र होइन । म उसलाई व्यक्तिगत रुपमा चिन्दिनँ। उसको फेसबुक प्रोफाइलमा पनि हिजोआज चलेको फेसन जस्तै एनोनिमस राखेको देखेको थिएँ ।
यसले नचिनेको मान्छेले एकासी "तिमी " भनी सम्बोधन गर्दा झनक्क रिस त उठ्यो । तर फेरि सम्झेँ रमाइलो गर्नु पर्यो यो मान्छेसित भनेर ।
मैले भनेँ " समाचार पढनु हुँदै होला नि ? "
"पढछु, किन नपढनु ?" उसले भन्यो ।
"खबरमा कोरोनाले यति उमेरको फलना ठाउँको मान्छे घरमा साह्रो भएर अस्पताल लाँदा मृत घोषित गरेको निस्केको थियो ।"
"अनि के भो त ?"
मैले भनेँ "त्यो मान्छे मै हुँ नि ?"
उसले खुइ्य्य गरेर भन्यो " ला हौ बित्यास परेछ। "

"................"
"................"
निकै बेरको मौनता पछि उसले हठात भन्यो " अन्त तिमी कस्तो गाढु मान्छे रहेछ।  कस्तो धोखेबाज ! खतम रहेछौं । त्यत्रो बिश्वास गरेर  मैले तिमीलाई मेरो कविताको किताबमा लेख्नु दे'को थेँ। "

एक महीना अघि जस्तो उसले मलाई फ्रेन्ड रिक्वेस्ट पठाएको थियो । मैले सिक्किम कै रहेछ भनेर एकसेप्ट पनि छिटै गरेँ। फ्रेन्ड रिक्वेस्ट पछि उसैले मेरो फोन नम्बर दे भनेर भन्यो मैले दिएँ। फेरि वाट्सएप नम्बर दे भन्यो । मैले भनेँ मेरो फोन नम्बरमा वाट्सएप छ ।
वाट्सएपमा एउटा पिडिएफ फाइल आयो । मैले खोलेर हेरेँ , कविताहरू रहेछन। गन्ती गर्दा 65 वटा लामा छोटा कविताहरू। जम्मा जम्मी १०६ पेज रहेछ।

फेरि उसकोबाट मेसेज आयो यो किताबमाथि तिमीले लेखिदिनु भनेर ।

हिच्किचाउँदै मैले हुन्छ भनेको थिएँ । 
पिडिएफ पढेर केही लेख्न सजिलो हुँदैन । यसैले मैले यसको प्रिन्ट निकालेर पोस्ट गरिदेउ भनेँ। उसको बाट लगत्तै मेसेज आयो आफ्नो प्रिन्टर होला त्यसमा निकाल।
कस्तो फसाद! बाफरे.....
मेरो प्रिन्टर बिग्रेर बसेको धेरै महीना भइसकेको थियो । यसैले गान्तोक बजारमा गएर प्रिन्ट निकालेँ। गान्तोकमा सबै कुरा महगों छ। १०६ पेजको ६४० रुपियाँ  तिर्नु पर्यो। पेपर राख्न सजिलो होस भनेर स्पाइरल बाइन्डिगं गर्न लगाएँ। एकसय रुपियाँ थप लाग्यो ।
यो मान्छेले यही किताबको कुरा गरेको थियो ।

उसले रिसाएर भन्यो " नसक्ने हो भने किन चाहिँ अस्त लुरुक्क परेर हुन्छ भनिस?"

"............."
" तिमी त मामाको घर गइहालेछ, अब त्यो मेरो किताब फर्का " भन्यो उसले ।
मैले भने " तपाईंले पिडिएफ फाइलको कपि  पो मेरो मा ट्रान्सफर गरेको हो त, किताबै होइन नि।  कसरी किताब फर्काउनु ?"
उसले झर्केर भन्यो " त्यो सब म जान्दिनँ। मेरो किताब चाहिँ झट्टै कसरी हुन्छ दे, नभा ठिक हुँदैन । म पनि जान्दछु के गर्नु पर्छ भनेर ।"
के उदेकलाग्दो मान्छे , सम्झेँ ।  अब यो मान्छेले मान्दैन । अनि मैले भनेँ " लु हुन्छ, फाइल फर्काइदिन्छु। वाट्सएप हेर्नोस।"
उसले अन्त्यमा भन्यो " अ, पाएँ।"

कल एन्ड भएको देखियो मेरो मोबाइलमा । सम्झेँ ढुक्क भयो । छुटकारा पाइयो ।

झन्डै दस मिनट पछि फेरि कल आयो उसको र सोध्यो " यो फोन कसको हो?"
"मेरो हो"
" होइन, कसको नम्बर हो भनेको?"
"मेरै नम्बर हो"
" अन्त त्यो ओगि बोल्ने को हो?"
" म नै हुँ।"
"तँ भूत हो?"
"होइन ।"
"फोन राख, धेरै बाठे कुरा नगर। तलाई कोरोना त्यसै लागेको होइन रहेछ।"
कल एन्ड उतैबाट भयो ।

( यसलाई पढनेहरूले सम्झिदिनु होस, यो रमाइलोको लागि मात्र हो।) 
टिप्पणी :
एउटा फोन वार्तालाप यही लाइनमा भएको थियो, यसैलाई थपघट, सत्य असत्य mashup गरेर अकिंत।
Labels:

Comments

Post a Comment

Popular posts from this blog

अगमसिहं गिरी (युद्ध र योद्धा ) आलोचना

             युद्ध र योद्धा : एक पठन                          पेम्पा तामङ      अगमसिहं गिरी भारतीय नेपाली साहित्यमा सर्वाधिक चर्चामा रहेको कवि हो। उनलाई मूलतः स्वछन्दतावादी कवि र जातीय कवि भनेर आलोचकहरूले चिनाएका छन भने कही कही अस्तित्ववादी भनी परिचय दिएको छ। उनका प्रारम्भिक कविताहरू भावनात्मक र करुणामय थिए यसैले उनलाई दुखवादी पनि भनिएको  हो। गिरीका कविताहरू आम चलनको भाषामा लेखिएका र प्रतीक र बिम्वको जडान थोरै रहेका छन। सरल , सहज र बोधगम्य रहेको हुनाले आम पाठकबीच लोकप्रियता बडी रहेको थियो। जीवन , मृत्यु , दुख , बिरह उनका कविताको भावलहरी रहेको छ। कल्पनाको निर्बाध उडान र जीवन परान्मुख रहेको मानिन्छ। जीवनलाई यसरी हेर्ने दृष्टि छायावाद र स्वछन्दतावा भनेर चिनिन्छ। हुनत छायावाद र स्वछन्दतावाद यी बाहेक अन्य पनि हुन। स्वच्छन्दतावादको प्रवर्तक विलियम वर्डस्वर्थको लेखन सिद्धान्त कविताको भाषा आम मानिसको बोलीको शैलीमा हु...
Post a Comment
Read more

Circle of Karma -Bhutanese novel review

Circle of Karma   Authored by Kunzang Choden, a native of a small village in Bumthang District in  north-central Bhutan, Circle of Karma is the first English novel to emerge from the land of the druk (Bhutan),   the mythical dragon. Published in 2005, the novel instantly courted fame far and wide, and has since been translated into several languages. The novel had been short listed for the prestigious Elle Prix des Lectrices too. Choden was born in the year of the druk , or the year of the dragon, corresponding to 1952 in the Gregorian calendar. Since Choden was born into a prosperous family, her parents sent her to a convent school in Kalimpong when she was nine years of age. Choden recounts the initial difficulty she encountered in the school because, as is prevalent in Bhutan, she did not have a surname attached to her first name. Moreover her father’s name was Kunzang Dorje and the Reverend Mother of her school refused to believe that the father an...
Post a Comment
Read more

Poetry of Puja Upadhyay

             दुई शब्द भूमिकाको                           पेम्पा तामङ      नेपाली साहित्यमा सर्वाधिक लोकप्रिय विधा कविता हो र सर्वाधिक रचना यसैमा देखिन्छ। कविता एक यस्तो विधा पनि हो  जसले कवि अनि रसिक दुवैलाई आकर्षित गराउँछ। कविलाई अनिवर्चनीय आनन्द बोध गराउँदछ कविता सृजनामा। यसैले पनि कवि शब्द सुधाको धारा बहाउन चञ्चल रहन्छ। हुनत कविता व्यक्ति र समाजमा जोडिने एक सेतु पनि हो। नेपाली कविताको पहिलो कविता मानिने सुवानन्ददासको लेखनलाई हेर्नु हो भने कविता एउटा त्यस्तो सशक्त माध्यम हो जसको सहाराले एक निरीह व्यक्ति सर्वशक्तिमानसित  संवादमा रहनुसक्दछ।   कुनै पनि कविताले व्यक्तिलाई एकदेखि अनेकमा पुर्याउने क्षमता राखेको हुन्छ। कविता एक परम्परा निर्वाह हो। कुनै पनि कवि अनेकौं पुस्ताको प्रतिविम्ब हुन्छ , चाहे त्यो रूपमा होस , विचार वा दर्शनमा होस या फेरि फगत भाषिक परम्परामा। तर कुनै कविताले परिचय त्य...
Post a Comment
Read more